اسمعوا يا ناس ودي أجمع . . الدنيا بدين
وسامحونا إن تحمسنا . . . وأزعجنا النوايا
ليه لنْ بعض المشاعر تطلب الدسم السمين
فاسمحوا لي ابغى اعنونها بنيران القضايا
و قبل لا أبدا أبغى أذكّر آثم الظن المشين
ودي أبقى فوق مركى و المعاني بالحنايا
كان يا ما كان سمو قولة الحق ب : كمين
ودلعوا كل الكباير .. وأظهروا كل الخفايا
عظموا صوت الكنيسه وتركوا صوت اليقين
وأغرقوا بسم الجهاله وضيعوا كل الهدايا
من مشوا درب الحكايا ضيعوا علمٍ ثمين
و صدقوا صورة مرايا و اهجرو كل الوصايا
شيدوا قصر المظاهر لين هدته السنين
واسكنوا ليلٍ عتيمٍ صار يمنحهم زوايا
علقوا صورة غريبه فيها احساسٍ حزين
وارفعوا في ساحة الأوهام أنغام و شظايا
ربعوا في كل ديره . . . نبتها شوكٍ مهين
وتركوا كف العطايا ممحله تشبه ظمايا
درهموا خلف السراب اللي يغر التايهين
والعيون الحايره صارت تحلّم بالمطايا
شبوا النار بغصونٍ . . . ورثة العود المتين
واحتفوا بلونٍ ما يطلع إلا في عتمة مسايا
سموا طعنات القوافي(فعلة العقل الرزين)
و الوفا سموه . . (غفلة جاهل وقلة حلايا)
نشفو كل أرغفتنا . . و سنو سكين السنين
وأطعموا كل الخلايق من فتافيت الخطايا
باعوا أحلام اليتامى .. عقب سومة زاهدين
و اشتروا فيها رضا شيخٍ .. يدندن للصبايا
انشدوا صخرٍ أصم عن وجع صمت الأنين
وانشدوا كف البغايا : كيف أحلام المنايا ؟
يا زمن وين الحقيقه ! وينه العدل المبين
ما ابي منك اجابه . . كافي شغلت الخلايا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.