منصاك للي لانصيته ينطحك قبل الوصول
باجمل تراحيب الرجال اللي تكرم ظيفها
اللي يفي قول وفعل لاقال والا مايقول
ونفسه فعول الطيب وفعول المراجل كيفها
ماكل رجل تزهمه لو أن مشكلتك تطول
وبعض الرجال الطيبه من منته تعيفها
سقت الذلول بكل درب ولانفع سوق الذلول
من السنه هاذي شتاها والربيع وصيفها
اركض ورا نشر المدايح وتعين للحلول
سجيتها في نجد وبحور الخليج وسيفها
ظلمت نفسي بالمدايح بالشعر في كل قول
ورفعت ناس مارفعها بذكر توصيفها
عودت ماعينت فزعات(ن)تسر ولاحلول
الا دبل همي وظلم النفس مع تكليفها
خربت في كذبي وبخلاف الوعد كل الاصول
جبرن علي من الظروف اللي طعني سيفها
غديت من جور الزمن رجل انحيازي وزعول
وركتبت علي علوم ماهي في من تاليفها
أنصابها اللي مايصد ولا يحسب للحمول
والمرجله ماحسب بالماله كثر تكليفها
لي مدتآ وهي ورا صدري على الطلعه تجول
وقتآ مضى رديتها واليوم هذا بكيفها
ماينخا و قت الشدايد غير شجعان وزحول
اللي على صم الجبال الراسيه توصيفها
ناس(ن)لها يشهد بحزات الشدايد بالفعول
وناس(ن)غنيه من فعول الطيب عن تعريفها
وسرجت في جزل القصايد والحن دهم الخيىول
للي ليا جاته لقلت في جيته تشريفها
ماجد هديبان الخزيم لذكر فعل الزحول
فيه المراجل والنخاوي منحصى توصيفها
خليف الوهيداني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.