يابعدهم❤️. لـ سجينة جرح

معك نظم القصايد تجي بارتجال

ولغيرك يومين بالموت يطلع شطر

طالعيني يابعدهم واسمعي مايقال

في وريدي غير حبك والله انه ماعبر

ياملهمة شعري يالفارقة بكل حال

يالنادرة اللي مايجي بعدك بشر

قبل اعرفك تفائلت والطيّب ينال

وانتي ماجابك الا طيب حظ وقدر

جيتي بحياتي خير وجه وخير فال

وانا طبعي في علاقاتي غامض وحذر

ماهزني في عمري الواجد ازوال

ولا خف قلبي مع كل انثى تمر

روضتي القلب بسلهامة الاكحال

عيونك لاشفتها قلت يارب الصبر

مع مرور الوقت ابي اجابة للسؤال

انتي فعلا ساسك ملاك والا بشر ؟

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

يابعدهم❤️