احمد الله منهجي ما تغيره الظروف

احمد الله منهجي ما تغيره الظروف
نظرتي صوب المعالي معا كل اتجاه

مسرجٍ قب العزايم مقربة الشفوف
في طريقٍ يكسب الطايلات اللي مشاه

ما وقفت بماقفٍ ما يجمل بالوقوف
ولا رضيت بمنزل الهون مثل اللي رضاه

وان هرجت اوزن كلامٍ مثل حد السيوف
وارتفع عن كل هرجٍ يفشل من حكاه

وعن دروب القال والقيل لي نفسٍ عيوف
اتجنب رفقة اهل النمايم والوشاه

في عيوب الناس ما الد لو عيني تشوف
وكل مبلي ما اتشمت على شي ٍ بلاه

من يطيب اجزاه طيبٍ على طيبه ينوف
ومن تردى سقت رجلي مجنب عن رداه

ما اتصيد للخطايا مثل بعض الضعوف
دام لي نفسٍ عزيزه ولي وجهٍ وجاه

ادمح الزله لا جتني واخليها تطوف
‏لين ينفد كل صبري وياصل منتهاه‏

الكفو لا شمت عنّه ملكته بمعروف
‏والردي لا شمت عنّه تزايد في عماه

ما يجنب لين تاتيه من بين القحوف
ضربةٍ منها يفك الخلايق من غثاه