دبلته

لـ ساره بنت تركي، ، في العتب والفراق، 30

دبلته - ساره بنت تركي

وشلون اصحي واحدً نايم على فراش الغياب
حتى الامل من خيبته عاجز يرتب جملته
 
امشي ودربي بالهوى كنه ينادي ل الضباب
والغدر وارد والوفاء خايف يكمل رحلته
 
خلوه نايم والمحبه طيرها يلقى جواب
لو طار صبري في سماء روحي وطالت عطلته
 
جو المشاعر جوها ترقى على سطح السحاب
والمشكلة جوك يحب القاع ويذبح طفلته
 
صوت الجفا أليا حضر صوته مثل صوت الغراب
يرمي على اذن الفرح اسوء معاني ملته
 
والوصل صوته راح وراح الود بيدين السراب
والعين تمسك دمعها والشوق ضيع قبلته
 
حلمي سحابه من فرح و احساسي الراهي كتاب
وش فيك تقتل حلم طعم الحلو يملا دلته
 
مشاعري لبستها باسمي مثل لبس النقاب
وانته رميتك ثوب كبر الشق يشرح علته
 
فيني كرامة نهجها مليون بالميه صواب
تاطا على خشم الخطا واللي يكرر زلته
 
لو السوالف زوجتني حظ تاليه الخراب
اطلق رصاصه تذبحه وارمي وراها دبلته
#ساره_تركي
© 2024 - موقع الشعر