عاشو دهاةٍ يعشقون الطايلات

لـ خليل بن هدلان، ، في غير مصنف، 17، آخر تحديث

عاشو دهاةٍ يعشقون الطايلات - خليل بن هدلان

عاشو دهاةٍ يعشقون الطايلات
نوادرٍ يا سعد منهم محزمه

اللي خذو جل القسوم الطيبات
يوم المراجل للعباد مقسمه

روسٍ على كسب المدايح ضاريات
العز في كل اتجاهٍ تغنمه

عوال عودٍ له فعولٍ فارقات
عبدالله اللي جعل ربي يرحمه

هذاك ابن مشغي زبون الكايدات
شيخٍ على راس الحجا رز علمه

لو القصيد يرجعه عقب الممات
والله لو اسوي كل يومٍ ملحمه

رفيقي اللي فاقده علمٍ ثبات
وعليه حزني ما قدرت اترجمه

حاولت اعبر بالسنين الماضيات
لاشك فقده كل قافٍ يفحمه

نعم الرفيق ان راحت علومٍ وجات
في كل علمٍ زين يا كبر سهمه

حسب العوايد والسلوم الموجبات
يقوم في حق الرفيق ويحشمه

محزم ربوعه في كبار المعضلات
وعون الذي وقت الشدايد يزهمه

فعله يعدل ظروف بقعا المايلات
دون القبيله كل صعبٍ يدحمه

ادعي لعله بالجنان الواسعات
ومن كل فضل وخير ربي يكرمه

© 2024 - موقع الشعر