ياحزين

لـ ساره بنت تركي، ، في غير مصنف، 28

ياحزين - ساره بنت تركي

شاعرة وان غصت بحر اجيب مرجانه ودرة
‏في الجزيل من القوافي والطروق اعطيك درسى
 
‏بالشعر منهو يضيع يشوف بحروفي مجرة
‏يتبع الجدي ويدلّه من غشاه الليل وأمسى
 
‏رابيه في طيب ابوي ووارف علومي تسرّه
‏خطوتي مشي الملوك ولا وطيت دروب دنسى
 
‏فوق طهر الما مشيت ولي عليه الحين جرّه
زمزمية طيب وادري عينك عْن الطيب عمسا
 
مارجينا من ورى معروفنا مثقال ذرة
سلمنا في الجود مد وبعد مد الجود ننسى
 
غط راسك في جناحك يا حزين وموت حره
ما بقى لك في ضفاف الكحل يا ابن الناس مرسى
 
ان توهمت الجبل انا الجبل بإصبع أفرة
‏رقتي انوثتي وقت القسى تطغى وتقسى
#ساره_تركي
© 2024 - موقع الشعر