قصيدة في جاهية القباني السهلي _ الفطيماني

.
 
 
 
 
 
 
 
سلام لو إن الثقيلة علينا
قامت تراجد من جميع التجهات
ياحسين قمت بها وجيتو وجينا
الله يجيرك يازبون المهمات
تريحو حبل الجماعة متينا
ماينقطع وظهورهم للثقيلات
لو إنها صيحة فزعنا وسرينا ..
حنا لها ياماوردنا الصعيبات.
الله يهونها والله رجينا
قبيلتي شربت ملاح المحيطات
الله سقانا من الفرح وأرتوينا
ونرضا ليا منه بلينا بصكات
ونصبر ونكظم وإن سجدنا شكينا ..
ونفرح ونبلى كل يوم بغارات
لو الخطاء ندري مسكنا يدينا
وماشفت سجنن للحكومة مبنات
واليوم ياسهول المكارم بدينا 
هذا الليالي لاذكروها شهيرات
اما على روس النوايف رقينا ..
ودايم مراقينا برأس الطويلات
ياسهول في نجد العذية ربينا
شراسة منها كسبنا البطولات
ياما على مهار"ورجلي عدينا ..
لين استوى حكم وتلاشت  أمارات
ولنا بني عم" ليا من لقينا ..
قوم" فردوهم بخيل أصيلات ..
انتم لنا أخوان دمن ودينا ..
الجد واحد يامؤرخ لنا هات..
سمعت من شيباننا ماكتفينا ..
نعم بكم ياسبيع وللعلم شارات ..
ليا ذكرت فعولكم ماغفينا ..
أشوش وكتب ماطرالي من ابيات
أمدح بني عمي وحاضر لقينا ..
شيمه وفزعة وافتخار ومروات .
والمال مال الله عطانا وشرينا
والمال يرفاء واحد" فيه خلات
شوفو ليا منه تقيد حدينا..
قمنا نتلفت مانحب المضاهات..
ليا توحدنا ترانا جلينا ..
الهم لوانه جبال السروات
من مد لو قصر فعذرة سمينا ..
ومن راغ لبسناه ثوب الفشيلات ..
مايترك الموقف عزيز علينا..
وشلون يتركنا نهار المثارات
ليا لبسنا شمغنا وانتهينا ..
يامدور الناموس هيهات هيهات
الجاه موت" مايجي لك بلينا ..
الإ معاريف" على الربع بالذات..
من جنب الآبه وخلا السجينا ..
منبوذ حي ومابكيناه لامات ..