ياجابر الكسر

ياجابر الكسر…… صبرني على فقده#
والا. عط الموت الاذن يحطني فباله

ماقول مات الوفا والطيب من بعده#
اقول تبطي الحراير.. تنجب امثاله

ياكيف اعزي حجازه واضحك لنجده#
وانا زبون اليتم في سوق…. …..دَلَّاله

الموت لو ……مر حصن مشَيّد يهده#
ما همه اللي… تظلل في ذرى ضلاله

ياموت (لو)هي تجي بالمال لنْسِده#
وان كان بالجاه سقنا الجاه ورجاله

ولو للبشر (يد) في مرسومك. نْضِده#
لكنّها بْيَد من حنا …..سجدنا له

يا. الله دام القدَرْ... ما نملك نْرده#
وفِينا من الضعف م انت اعلم بمثقاله

تجبر كَسِرّنا. وصبرنا….. على فقده#
واغفر لعبدٍ توَجّد…..وانصهر. حاله