الكفو

لـ ساره بنت تركي، ، في الحكمه والنصح، 40

الكفو - ساره بنت تركي

الكفو منزاله على الرآس و العين
سموّه و طيبه و الاخلاق تجبرك
 
و الا الردي لو كان يملك ملايين
لو يسعدك يومين يرجع يدمرك
 
يا مقلّب النيات رايح على وين
لا تنخدع لا شفت غيرك يسايرك
 
حدك مع الاجواد يوم و يومين
و تعود متضايق ومكسور خاطرك
 
مالله خلق لي داخل الجوف قلبين
ياللي على الحبلين تلعب مشاعرك
 
ما اقول غير الله على اشكالك يعين
افضل من التفكير في وضعك الترك
 
لو ظاهرك طيب التعامل مع اللين
ما ضنتي خافيك يشبه لظاهرك
 
اصدق مع ربك يجي دربك يمين
مالله على درب التزلاف جابرك
 
راع الجناب الزين والمنطق الزين
لو ما تعرفه زين لابد يآسرك
 
انا خذيت من التجارب براهين
ان ما تطيع الله مالله بناصرك
#ساره_تركي‬⁩
© 2024 - موقع الشعر