صفحة الذكريات

البارحة قمت اقلب في صفحة الذكريات
وش بقى من عمري اللي مضى له ايام

اقفت مع ليالينا اللي مضت والزمن فات
سنينن عشناها راحت مثل الاحلام

ياسرع مادارت بنا وحنا في غفلات
استعيد الذاكرة وتعرض شريط الافلام

الطيبين اللي عشنا معهم احلى الاوقات
ذكرهم باقي دايم على مر الاعوام

اهل كرم وطيب ووفاء واهل وقفات
ومزبن الضعيف اللي من الحاجة منضام

وسوالفن فالمجالس كلها طريفات
ووجهين فيها ترحاب وفيها تبسام

ماتعرف الضيقة ولاتخيب بهم الهقوات
صفاتن تحلو بها من دين الاسلام

يارب تقبل منهم جميع الطاعات
ويالله عساهم للجنة رفيعين المقام