سوق السوالف

لـ مفلح نجم، ، في الحكمه والنصح، 29

سوق السوالف - مفلح نجم

سوق السوالف ماكسبنا ولا شي
رحنا وجينا والنتيجه على ماش

ياكثر ماصاح الحذر ياجْوَدي..(عيّ)
صاحَبْك حلو السان لكَنْ غشاش

ماهو زمانك ياخلف حاتم الطي
وماهو زمان اللي قضى العمر منحاش

هذا زمان اللي تمرس على الكي
واللي تِمَشْيَخْ. من سنابات وفْلاش

ماجور يادلوٍ. .. ورَدْ يطلب المي
من بير مافيها ولا شيّ يِنّاش

دام الشجر يبست عروقه وهو( حي)
واسْتوحشت منْه الطيور ام الاعشاش

لاتطلب اللي يحْتضِر …بارد الفي
اللي غدى ل اهل القبس كومة اقْشاش

سوق السوالف نَسّنا هَمّنا شوَي
ايوالله إنَّا فْحَاجَة شْويَّة انعاش

© 2024 - موقع الشعر