من دون ربعي فكري اسرج براقه
بين السما والارض ما شي فوقه
لا اقلع يشوف الضلع مثل البناقه
ما يلحقه راع الركايب بنوقه
سوات حايز خالق الكون ساقه
وارخى على روس النوايف شنوقه
انحى بسيلٍ جا حقوقٍ خياله
لو يعترض له سد مارب يحوقه
جاني جواب خالي من الاناقه
يا طيب منطوقه ويا زين ذوقه
والرجل لاجا في كلامه لباقه
نفسه على الاجواد ماهي زهوقه
واللي يفتش ف العلوم الدقاقه
نفسه على فعل الزرايا تتوقه
واثر المنافق ما يفيده نفاقه
لو يبدي اخلاف الذي في خفوقه
قلبه مريض وجاه فالفكر اعاقه
في تالي الايام كثرة طقوقه
يبي يشب النار بين الرفاقه
مير الردي دايم قليله وفوقه
واهل المريفق اهل مجد وعراقه
مجدٍ في التاريخ تضرب عروقه
اصحاب علم وفكر واسع نطاقه
من ساعة الاسلام بزغ شروقه
الرجل منهم لابنا له علاقه
رفيقه يسكنه في وسط موقه
يهديه من بستان الاخلاق باقه
ونفسه على فعل الجمايل شفوقه
يا اهل (.....)الطيب يعشق عشاقه
خذّنا صبوحه وغيرنا له غبوقه
نبيني مع العراف بني الوثاقه
والعهد لو طال الزمن ما نبوقه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.