ولا غرابه فزعتك يابن وطبان =الحر عقب له حرارٍ مثيله - سعود خالد الجدعي

ياهاجسي اكتب من ابيوت الالحان
وانظم من عيون القصايد قصيده

في مدح شيخٍ له مكانه وله شان
حرٍ كفخ للمجد من دون ميله

قال المثل والعلم في ماض الازمان
الكفو يسوى بالمقابل قبيله

نواف صيتك اعتلاء اشيوخ و عيان
مثل الجدي يضوي علينا بليله

سطرت لك في ساحة المجد عنوان
لانك زبونٍ للفعول الجليله

وقفتك و الله ماتقدر بالاثمان
ياراعي الفزعه و كسب الجميله

و الله يقدرني على رد الاحسان
ومن يفعل المعروف هذا حصيله

اتعيش يانواف ياطير حوران
محزم ظفر للكايده وا ثقيله

والله لو اكتب باحمر العين ديوان
تبقى القصايد في جنابه قليله

ولا غرابه فزعتك يابن وطبان
الحر عقب له حرارٍ مثيله

سعود ابوك الي على العز سلطان
يستاهل التقدير مافيه حيله

امعرب الجدين من نسل شيخان
يفدونه اصحاب الكفوف البخيله

مشرعٍ لضيف بالجود بيبان
والضيف يعرف للكرامه دليله

سحابةٍ سالت بها ابطون و ديان
تحيابها ارضٍ من جفاها محيله

اخوان جوزاء فالوازم لهم شان
عدوهم ذاق العناء و الفشيله

والخاتمه صلو عدد خير الامزان
على النبي الي دعاء للفضيله

© 2023 - موقع الشعر