لايطول الصمت ويموت الكلام

لـ عبدالله فهد الشمري، ، في الغزل والوصف، آخر تحديث

لايطول الصمت ويموت الكلام - عبدالله فهد الشمري

لا يطول الصمت ويموت الكلام
سافريبي ب البساط الأحمدي

جابك الله عند عالين المقام
مرحبا والبيت بيتك يابعدي

بعثريني - في متاهات الغرام
واجمعيني -في حديثك واسردي

وارفعيني - فوق يابنت الكرام
ونزليني - في حناياك وحدي

وامسحيني - من ملفات الملام
واكتبيني - واحد ٍ فيه ابتدي

وارسميني - روح في روح انسجام
ولونّي - سيف المحبه في يدي

واحفطي - حبي وزيديني هيام
ودوريني - في تغاريد ابلدي

وانسي اني - واحدن ضمن العوام
واذكريني - فارس ٍ جاك يعدي

ماطلبتك - غير حب ٍ مايُسام
وماعطيتك - غير قلبي ووعدي

دامني - شفتك انا نور الظلام
إنتي - بليلك تشوفيني جدي ؟؟

© 2024 - موقع الشعر