في داخلي شيء لو الناس تدري به - عبدالله فهد الشمري

في داخلي شي لو الناس تدري به
محدن شكى همه وغمه ويشقابه

يطول صمتي ويحرقني ولا حكي به
اخاف شمتت عدوي يوم يحكابه

يذبحني الهم والكتمان نوصي به
حلفت مابين اسراري ويدرابه

شموخ ذاتي معيي بي واماري به
ماوضح اللي خفى وابين اسبابه

اصبر على الله فرجها يوم ياتي به
وابحث عن اللي حزين القلب يسلابه

اخذ وودي مع الهاجوس واجيبه
حيث القصايد بوقت الضيق يلجابه

سلام يابن غمر يامعدن الطيبه
يابو هلا ومرحبا يامجمّل اصحابه

سلام مني ولابه شكن وريبَه
ياعليوي العز تنزل به وترقابه

مثلك زلالٍ وحنا من مشاريبه
يا امحل الوقت ولا كشر انيابه

الحر قد قيل ياصكت مخاليبه
يكفخ ورزقه على مضراب مخلابه

وانا لك الله اوافق به واعيي به
اخاف من شي ماكنت احسب حاسبه

عندك خبر صاحبك ناطح له مصيبه
صابه من الوقت واللوعات ماصابه

ياصرت مثلي بحالك وش تسوي به!!
انت تمسك السيف ولا تترك نصابه؟؟

© 2023 - موقع الشعر