ياشين ليل البارح وثقل دمه - مفلح نجم

ياشين ليل البارح وثقل دمه
أثقل عليَّه من جبال السراوات

الله مَطْول عمره وكُبر. همه
ضَيق على صدري وسيع المساحات

البارحه سَيّر.. بي الشوق يَمّه
ورتبت له اجمل حروف وعبارات

البارحه قال الوَلَه قوم سمه
وسميته اغلى من سكن (فيْ ) بسكات

قبل الوعد جيت ومعي شي اضمه
وبعد الوعد كلي مصاويب واموات

سريت كني ذيب يقنب بقمه
ما حافها غير الوحوش الضريات

ذيبٍ عباريد النيامس تزمه
زمة جوارح للفرايس مضراة

والله (يا…لولا) لَجيب المطمه
واقرى عَليه الفاتحه والتحيات

لكن يحداني حديث الأامه
اللي فرض تحريم قطع العلاقات

وانا على ماقيل مسلوب هِمه
اخلق له الاعذار في كل الاوقات

اشكي مِنِه وازعل على اللي يذمه
وانسى العتب لاقال لي انس مافات

لكن ليل البارح ازريت ادمه
وازريت اهج من التفاصيل وابات

قفو به اللي يحبكون المهمه
واغروه بالشهره ولمع الفلاشات

يرميني بنظرات والداب سمه
يسري بدمه وانطفت فيه نظرات

مدام ماللحظ عهدٍ وذمه
ولا….كفو ويرد بعض الامانات

ليه ايتوَجَّه بي على غير. يِمَّه
وانا بدوي فيني حميا ونزعات

ان جيت اجي كلي وعلمي اتمه
وان رحت اقَفّل قَبْل ارو ح الملفات

© 2023 - موقع الشعر