الدمع سال - بدر محمد السحمان

الدمع سال و داخل الصدر مكبوت
حزنٍ قتلني من فراقه و طرياه

حزنٍ كتبته ما يبي حبرٍ و نوت
صعبٍ على غيري يحسّه و يقراه

و الحشرجة سوت على حلقي ميوت
و الريق جف و داخله عبره و آه

أبكي على اللي شاله اليوم حانوت
أبوي جعل الجنة تصيح تبغاه

و ياليت من نبغيه ما عمره يموت
نصبح و نمسي في مقابَل محياه

و الحمدلله عد ما ردد الصوت
راضي بحكم الله و مومن بمبداه

بدر محمد السحمان
© 2024 - موقع الشعر