نبراس - محمد عبدالله الحسين الشطيري

نبراس
مات قلبي في حنايا ضلوعي

بدلت حبل الرجى فيك بالياس
من يهدي اليوم فيك روعي

وانا انسان فيك مغرم وحساس
تعال ناظر وشف بقايا دموعي

تلقى محاجر العين ذبلا ويباس
مات الأمل لاتنتظر لحظة رجوعي

ادري انك انسان حساس حساس
طبع الغدر ماهو من طبوعي

اسقيتني المر كاس بعد كاس
صبري عليك مايعني لك خضوعي

خلاص اعتبرني واحد من الناس
ادري عشقتك برغبتي وكيفي وطوعي

لكن للحب قدر وقيمة ووزن وقياس
اعتبرني طيف عابر كفكف دموعي

اعتبرني صفحة وانطوت طي قرطاس
بودعك والملم احزاني والملم وجوعي

وداعاً يامن كنت للحب نبراس
محمد الشطيري.

© 2022 - موقع الشعر