تقلبت لاحوال في كل الأمور! - حسن عامر

عشنا وعايشنا الحلاوه والمرور
فيما مضى وفي السنين الحاينه

تقلّبت لاحوال في بعض الامور
يامن تشوف اللى نرا وتعاينه

كانوا كبارالسن في مبدا الحضور
في المجالس والصفوف الباينه

واليوم نُسيوا كنّ مافيهم شعور
والوقت يمضى والفعول مداينه

من لا يقدر شيبة الرجل الوقور
لابدّ توجعه الجروح الكاينه

الشايب اللى كان له حكمه ودور
مايجحده غير الوجوه الهاينه

والله ما ينلام لو دمّه يفور
مما يراه من الفعول الشاينه

حسن عامر آل عيسى
© 2022 - موقع الشعر