ياوجود الشايب اللى ماحدٍ قدّر وقوفه - حسن عامر

ياوجودالشايب اللي ماحدٍقدروقوفه
قام كلٍ ينهره ولعود ثابت في مكانه

بيّنٍ ضعفه وثقله فالمسيروقلّ شوفه
والزمن دوار والأيام مافيها ضمانه

ضيقته تبدي ويدفنهاويكتمها بجوفه
من تعابيره يرى هذازمن ماهوزمانه

احترامه للنظام بوقفته داخل صفوفه
والشهامةوالحياتمنعه مايطلق عنانه

والله انه مايلام اذا تلعثم في حروفه
أو يكرر في عباراته واعاد الاسطوانه

الذي مثله عليناواجب نقدرضروفه
نحشمه ونوقره ونحط له قدر ومكانه

والتعامل بالهدوءوبالتلطف والمروفه
والتغافل لوحصل كلمةوزلّ بهالسانه

حسن عامرآل عيسى
© 2022 - موقع الشعر