مواويل .. - سيف بن سالم الغسيني

على ضوء القمر ليله
شدى قلبي مواويله
عزفت أشواق ولهانه
وكلمة حب عطشانه
رسمت دروب خطاوينا
كتبت أحلى أمانينا
أنا وشوقي على ذا الحال
تمر ليله ورى ليله
 
 
كتبته إسمها بقلبي
حروف بشوق حيرانه
تمنيت القمر يدري
عن قليبي وأحزانه
ولي مر طيفها يمي
أصوت بالهوى مشتاق
وأخاف غيابها يطول
ولا أقدر على الفراق
 
 
يا ليت الوقت يجمعنا
أنا واهيه وليالينا
يا ليت أشواقي تسمحلي
وتتلاقى خطاوينا
تمر ليله ورى ليله
وبي أشواق مجروحه
وما أقول إلا يا عمري
على الهجران مسموحه
© 2022 - موقع الشعر