السلطنه .. - سيف بن سالم الغسيني

هزني شوقي لشوف السلطنه
جيت وفقلبي لها شوقاً كبير
يحفظ الله هالوطن والي سكنه
ويحفظ السلطان ويديمه بخير
 
جيت يا مسقط وكلي لك غلا
يا الي إسمك في سما المجد إعتلا
يا العروس الي تذوب من الحلا
موا أنا بس أعشقك غيري كثير
 
في صحار الي لها التاريخ شاهد
للفخر والمجد والعزه شواهد
والبريمي واحة الشم الأماجد
المداين كلها منها تغير
 
يا عروس البحر يا صور العفيه
هذا قلبي والعمر لجلك هديه
ويا مسندم يحفظك رب البريه
لا ذكرتك تنثر الدنيا عبير
 
يا حكايا الفخر يا نزوى الأصاله
يا شموخ المجد يا رمز البساله
يا هوى قلباً تولع في صلاله
جنة الدنيا وكل شي فيك غير
© 2024 - موقع الشعر