ضميتها ... - سيف بن سالم الغسيني

ضميتها ..
لحضني وذابت يوم أنا ضميتها
وحسيتها ..
نامت على صدري ولا صحيتها
قالتلي غرقني بدفاك
وإروي ظما قلبي لهواك
مشتاقه لحظنك كثير
ودي من الفرحه أطير
ماني حبيبي مصدقه
بحضنك أنا الي أعشقه
وردت على صدري تنام
وأنفاسها صارت كلام
وسافرت أنا مع عطرها
ويدي تداعب شعرها
ضميتها لين أصبحت
دقات قلبي بصدرها
 
 
حبيتها ..
بكل الجنون وصار قلبي بيتها
سميتها ..
عمري وروحي والغلا سميتها
يا هو حلا يا هي عيون
فيها تولّعت بجنون
من حسنها غار القمر
ملاك في صورة بشر
جميله آيه في الجمال
تختال في رقه ودلال
تموت في حبها قلوب
بس قلبها فيني يذوب
تضحك معاها لا ضحكت
الدنيا وإن ضاقت بكت
بعيونها كلي أضيع
وأروح فيها لا حكت
 
 
لا جيتها ..
كلها تفز من الوله لا جيتها
وما جيتها ..
إلا وقلبي في يدي وأهديتها
تحضن يديني يدها
ويزهر خجل في خدها
تهمسلي بعثرني غلاك
نسيني العالم معاك
وأحكيلها قبلك أنا
ضيعتني من كم سنه
قبل أعرفك ما كنت أظن
للحب بالدنيا وطن
شفتك عرفت إن الغلا
والحب في قلبك سكن
© 2022 - موقع الشعر