تسألي قلبي يحبك؟! - سيف بن سالم الغسيني

تسألي قلبي يحبك
ولا ما أنتي في حسابه
لو نظرتي في عيوني
فيها تلقين الإجابه
إسالي دقات قلبي
تعرفي مقدار حبي
تعرفي إني بغيابك
هدني الشوق وعذابه
 
 
إيه أحبك ألف مره
وأعشقك بالحيل وأكثر
كيف أعبّر عن غلاتك
وإنتي من تعبيري أكبر
وش أخلي وش أقول
الحكي فحبك يطول
إسالي دقات قلبي
تعرفي مقدار حبي
تعرفي إني بغيابك
هدني الشوق وعذابه
 
 
وش كثر شفت بحياتي
وش كثر قلبي تغرب
شفتك بليله وصرتي
من جميع الناس أقرب
يا الي سحرك في عيونك
غربه الدنيا بدونك
إسالي دقات قلبي
تعرفي مقدار حبي
تعرفي إني بغيابك
هدني الشوق وعذابه
© 2022 - موقع الشعر