رد السلام اول

رد السلام اول وبعده يجي خير
واشبك ترانا مسلمين وخواني
 
مطاوعتنا قولكم فالمنابير
ماهوكماتعبيركم للغواني
 
لاصاروا اصحاب الفضيله مغاوير
يقفز بمزه من مكان لمكاني
 
حتى اصبحوا في كل دوله مشاهير
واللي يمر يشار له بالبناني
 
تفوقوا حتى على سالم الزير
في الفروسيه وفي علم ثاني
 
يفتون فتوى كامله في المناكير
ومن يعارضهم يجيه الهواني
 
مسكوا باياديهم عقال المغاتير
للقاف نقطه واحد يافلاني
 
وحنا ضعوف الله نطامرمطامير
من شان خمس ريال والا ثماني
 
الحافي اللي وطي شوك ومسامير
ماغيره احد حس باللي يعاني
 
ناسن تهل دموعها فالمحاجير
من قلة الحيله وجور الزماني
 
يدورون اللي يسد الفواتير
والباحث عن الرزق ماهو بجاني
 
وإلى قدرنا نفعل الخيرللغير
فالبعض مااكسرخاطره لا نصاني
 
والبعض لو يطلب حليب العصافير
حلبت له عصفورمن نوع ثاني