ابو خزيم - خليف الوهيداني

والله يالولا اللي لاضاقت عليه
ارسلت له ماضيق الخلق والبال

وتقبل ارسالي بجزل التحيه
والرد بابشر وصلني منه بالحال

لتضيق في الارض والكون فيه
وامسي مثل من شاف بالعمر الاهوال

اللي ملبس في حياته قضيه
وهو بها ماله بصمات وافعال

وانا لاضاقت من جميع النحيه
ولاشفت مخراج(ن)ولاشفت مدخال

نصيتها .راع .العزوم القويه
اللي مواقيفه مواقيف الابطال

ابو …خزيم ..كاسب ،الوليه
بالمدح يضرب فيه بالطيب الامثال

راع المواقف والكرم والحميه
معرب الجدين والعم والخال

اللي مايبخل للكرم والعطيه
وللمرجله والطيب مايحسب المال

راعي يمين(ن) بالكرم حاتميه
وراعي علوم مثبته فعل واقوال

© 2024 - موقع الشعر