قصيدةرثاء براشد بطي المري رحمه الله

لـ خليف الوهيداني، ، في الرثاء، آخر تحديث

قصيدةرثاء براشد بطي المري رحمه الله - خليف الوهيداني

يالله ‎يالمعبود يامحيي الاموات‎
وبارماش عين الكون تقدر تبيده
 
‎انت الذي بس لك تدا الصلاوات‎
احد صمد ولك العباده وحيده
 
‎يامشفين ليوب عقب الكسافات‎
والدود في جسمه وحاله زهيده
 
‎يامن لك يسجد وتقرا التحيات
وانت الوحيد اللي صفاته حميده
 
‎ياغافر ذنوبن ماتحصى كثيرات
‎يارب ياعون اليتيم وعضيده
 
‎يامرسل محمد على الخلق بايات
‎وبالدين يشرح للعباد العقيده
 
‎يامكونن بالست بسع السماوات
‎ويافارضن صومه وحجه وعيده
 
‎يالله ياعالم جميع الخفيات
‎ومن خشيتك خشع جبل صم حيده
 
‎يارب ياللي لك تحية وسجدا ت
‎ياعون عبدك بالظروف الشديده
 
‎ياهزمن في طير بابيل غزوات
‎والفيل وصحابه امرته يبيده
 
‎طيرن ضعيف وبامرك افنا عصابات
‎وقوتهم العضمى فنت بتغريده
 
‎وعاد وثمود اهلكتهم بالمسافات
ودفنتهم بالرمل بارضك وبيده
 
‎يالله يامنش المزون الغزيرات
‎من البحر بالماء لراض(ن) ابعيده
 
‎لرضن جفاف من الدهور القويات
‎وعقب شجرها مات فيها تعيده
 
‎ندعيك ياطلب من العبد دعوات
‎يامنتظر في ثلث ليله عبيده
 
‎ياغافرن لادم خطيه وغلطات ‎
يوم عترف لك في ابليس ومكيده
 
‎يامنجين موسى من بحور خطرات
‎ومريم مظل لها النخيل وجريده
 
تغفر لراشد يارفيع السموات
راع المواقف بالمور العنيده
 
ولعل ماقدم من الطيب حسنات
وعسى العفو المغرفه هي رصيده
 
يالعين هلي دمعك اليوم زافات
وبكي على. راشد سنين عديده
 
ابكي على راع اليدين الكريمات
وراع الفعول الطيبه والاكيده
 
يالموت ماخليت راع البطولات
عز الخوي عز الرفيق وعضيده
 
راع المواقف في نهار المهمات
راع الصخى راع ليدين المجيده
 
ولو للقدر والموت وقفه وفزعات
والله لنقطع دون راشد وريده
 
مير القدر مافيه فزعه وحيلات
والادمي ماله عن جله محيده
 
وراضين في ماقدره محيي الاموات
ولا عتراص بقدرته في عبيده
 
وراضين بقداره ليامنها جات
ولعل روحه عند ربه شهيده
 
والله يغفر له خطيه وزلا ت
والله من لطفه وعفوه يزيده
.
والله يكتب له منازل رفيعات
في جنة الفردوس ينزل شديده
© 2022 - موقع الشعر