سلمان وسلطان - خليف الوهيداني

لاوهني من له اخو مثل سلمان
عليه يبكي لذكروله غيابه

 يامير اللي بالمهمات مزبان
يمقوين حبل لوصل للقرابه

 ياريف شعبك ياسلايل كحيلان
يابن الملوك اهل الكرم والمهابه

 مامات لوهو مات يامير سطان
اللي قضا عمره عزيزن جنابه

 ولو القدر ينطح بفزعات وثمان
ان كان سلطان الكرم ماغدابه

 يكثر ماله دون القدار صدقان
بالعمر يفدونه نهار الحرابه

 اللي خدم ماله يتاما ومرضان
واللي كرم يمناه كل درابه

 مير القدر من خالق الانس والجان
وماجا منه كل جباري رضابه

 وسلطان راح بطيب وبخير وحسان
وذكره بخير وعز كل(ن)حكابه

 وانت العوض في غيبته يابليهان
يامكرمن بالفعل حي وصحابه

 الله يجيرك من بهاذيل واحزان
وهو يجيره بالقبر من عذابه

© 2022 - موقع الشعر