ماني مثل غيري ... - سيف بن سالم الغسيني
أنا ماني مثل غيري، أنا غير البشر طبعيأنا ما أشبه لكل الناس ولا به حد يشبهنيصحيح إني بني آدم ومن طين إنخلق جذعيولكنه سمو ذاتي وأخلاقي تميزنيأنا ما أخون ما أجرح ولا أطعن بالظهر ربعيولا فكرت أبد أكره وأخاصم شخص يكرهنيكثير إغتابني لكن، ورغم إنه وصل سمعيرفضت أغتابهم وأرفض أذم فشخص يطعنيأنا مو شخص متحرر ولا متشدد ورجعيولي فكري ولكني أقدر فكر خالفنيوأقول لكل شخص أسباب وله وضعه ولي وضعيولاني ملزم أفهمهم ولا أغصب حد يفهمنيأنا لا صرت أحب إنسان عشانه يحترق شمعيأشيل همومه بقلبي عشان يعيش متهنيوإذا خان وجرح قلبي غسلت جروحه بدمعيوإذا جيت أجرحه في يوم رفض قلبي يطاوعنيوإذا مرت علي ذكراه رفعت يديني له أدعيعسى الله يسعد أيامه مثل ما كان يسعدنيأبد ما أعامله بالمثل وهذا يا بشر شرعييظل إنسان حبيته وكان فيوم يسكنيعلى الأخلاق رباني أبوي وديننا نبعيزرع فيني إحترام الغير وحب الناس علمنيووصاني أخاف الله وأخلي طاعته درعيوأعامل كل خلق الله مثل ما أبغي تعاملنييقولون الحياة أقدار وأقول أقداري من صنعيأنا ربي عطاني عقل وفهمني وخيرنيأنا لا جبت صوب النار يدي وإحترق صبعيأبسألكم وش الي كان على هالشي يجبرنيمن أخطائي تعلمت الدروس وتجربة ربعيوعرفت إن النجاح إن شاف إصراري يحالفنيوإني لو تبعثر يوم كلي ما قوى جمعيأبد غيري يلم شتات بعثرتي ويجمعنيعرفت إن الحزن لا طال ما يحرق سوى ضلعيوعرفت إني الوحيد اللي بيده بس يسعدنيوقبل لا أقول وش نفعه فلان أقول وش نفعيوأحاسب نفسي بالأول قبل لا أحداً يحاسبني
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.