يا يمّه ...

كبرت بعين كل الناس إلا بعينها ما زلت
على كبري هذاك الطفل الي حضنها ضمّه

علي تسهر إلا مني مرضت وتفزع ليا غبت
فديتك يا الغلا كله، يا نبض القلب يا " يمّه "

على أيدك عرفت الحب، ومعنى التضحيه تعلمت
كبيره كنتي بعيني وما زلتي على القمه

صغير وكنت أتوسد دفاك ليا بصدرك نمت
ولا ضاقت به الدنيا على حضنك نسى همه

أنا لا شفت ضحكاتك، يزين الكون وإستانست
ولا منك زعلتي صار كوني يا الغلا ظلمه

وشوقي قبلته إنتي، ومحرابي إذا يممت
بدونك والله ما تكمل ولا تحلى لنا لمه

يا نبع الحب يا يمه، يا أغلى من لجلها عشت
أنا طفلك ويشبهلك، ودمك يجري بدمه

ولو أعمارنا تنباع، أنا عمري لعينك بعت
وش يسوى العمر بعدك، وإنتي العمر يا يمه