تبور الهدايف - مبارك الاسلمي الاسلمي

لاجيت اوصف كل هافي ومقرود
تبين بعيون الشهود الوصايف

شفت الردي ماهو مع الجود معدود
ياكثر خيبات السنين الكلايف

بانت وجيه من مكاسيبها سود
والوقت مايخفي عزوم الخفايف

عليك بلي لانخيته على الكود
في ساعة ن فيها تبور الهدايف

لاصار بالدنياء مسبات وردود
حر ن مكانه فوق روس النوايف

لاكبرت القاله له سهود ومهود
ياقف لها ماهو بعايف وخايف

تهيبه الوقفات يشهدله الجود
ويعدل الميلات وقت الحسايف

© 2024 - موقع الشعر