الـوقـت هــذا مـا تــبـشـر مـــواريـه

لـ خليل بن هدلان، ، في الحكمه والنصح، 159، آخر تحديث

الـوقـت هــذا مـا تــبـشـر مـــواريـه - خليل بن هدلان

الوقت هذا ما تبشر مواريه
وضعه مريب ومنهجه غير عادي

راع المبادي ينصدم يا عرب فيه
في عالمٍ تمشي بليا مبادي

ازريت اجامل كل غادي واداريه
واترك كلام الصدق واصبح حيادي

ادرى ضميرٍ منهج الحق يرضيه
ونفسٍ تعاف مجاملة كل غادي

تصدروا في مجتمعنا المسافيه
والكل منهم صار رمزٍ ريادي

وصار المنافق غالب الناس يبغيه
اللي عن القول الصحيح متحادي

واللي يقول الحق محدٍ يدانيه
لو كان منصح يحسبونه معادي

قلته وانا ما افرض على الناس توجيه
لاشك اوضح ما يكنه فوادي

ماني حسيب الخلق باللي تسويه
حسيبها الله في نهار التنادي

© 2024 - موقع الشعر