الصادره ..والوارده .. والمقيمه

واقلبي اللي طاغيات(ن) اهمومه
الصادره .. والوارده .. والمقيمه

مما جرى طرف العنى عاف نومه
وبعض المصايب كايدات(ن) عضيمه

اشوف وقت(ن) ظايعات(ن) اعلومه
وقت(ن) غدت فيه العزاوي جريمه

واللي يشوف بمخة الراس هومه
يقعد مكانه .... والمذله ظليمه

واللي ظرى بالهاس ... يعلي بحومه
ووجهه ابخير(ن) والقوايم سليمه

يالطيب انزل واصعدي يارخومه
شعار وقت(ن) مقبلاته وخيمه

عزي لمنه(و) ما ملك قوت يومه
لا عاد له قدر(ن) ولا منه شيمه

وحقايق الرجال ساوت احلومه
وصارت سليمات الهقاوي سقيمه

احد(ن) يفكر كيف يرقى انجومه
واحد(ن) بوسط الجوف ناره ظريمه

واحد(ن) يرقع بالرقايع اهدومه
واحد(ن) يجر البشت من دون قيمه

فكر معي يا من تنومس اعزومه
في ذمتك ... وين الحياة الكريمه

انشدك وين اهل القلوب الرحومه
يوم اكثرت فينا النفوس اللئيمه