من كثر ما مرني من تجارب تعلمت - عبد اللطيف ءآل محمد

باقي على الوفاء وطبعي كذاما تغيرت
ولي مبدأ ولي نظره ودين وتحكمني القناعة

من كثر ما مرني من تجارب تعلمت
شيء عادي تجيني من اعداي عداوه

ما توقعت تجي منك ولاني تخيلت
لكن في ذمتي الوفا حي وحق القرابه

منصدم صدمة عمر على اللي سويت
فاجئتني بوجهك يوم طاح منك اللثامه

نسيت ماضيك واللي على صلبه تربيت
ونسيت حق الأخوه وترد الطيب بالرداوه

من يوم صاحبت عديم الضماير تغيرت
وصرت تُفضّل علينا أهل الخبث والنمامه

كسرت ظهر اللي بلا أخ غيرك وضحيت
ومشيت ورا المصالح وهانت عندك الكرامه

كثرت معاصيك وكل يوم تزود حتى تماديت
وسببت لنا جروح لا تخفى عليها العامه

لكنك الجريح والجار ولو ما تألمت
أحيانا تقلى جريح ن مايعرف علاجه

نصحك كل اللي حواليك لكن صديت
لو تصغي كلام النصح ما لقيت الشقاوه

---------
عبد اللطيف ءآل محمد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر