نبطي(لاتسألي)

لا تسألي في البرد ويش اتلحّف
الوضع عادي في الجليد الطبيعي

ولاّ إسألي قاسي وجافي وأخلف!
يمكن تعَرْفيني بشكلٍ وسيعِ

قولوا لها إن الزمن ماتوقّف
والبرد يجلى والبقى بالربيعِ

قولوا لها ببعادها ماتحسّف
ماهيْ بآخر ركعةٍ في الهزيعِ

باختار من غصن العناقيد مُلتَف
اللي يتحرك في الهوى من سجيعي

في رجعتِك ماني مهوجس مع الكف
ولا مناقش فيك سومي وبيعي

في كل شي فكري وسيع ومثقّف
إلا الجفى لا بان أهدم جميعي

20/9/2021