قولوا.. لـــ. ... بنتي - مفلح نجم

قولوا.. لبنتي نعنبو.. حر الاشواق
قامت تصافقني سوات المليله

قمت اتذكر واشعب الفكر وأشتاق
واقنب علي روس الرجوم الطويلة

ياكبد ابوها سولفي عبر الافاق
صوتك ينسيني همومٍ ثقيله

اثر الغلا يابوك مومن وسراق
وانا لجل عينك اجي مستوى له

ياكيف وانتي مسكنك وسط الاحداق
لاوالله الا.. في كياني نزيله

من كثر ماملتني صدور الاوراق
انحت على صم الصخر واشتكي له

ويذوب واسمع شهقته.. صعب ينطاق
هذا الفراق وصعبه اني .اشيله

واسري ولا ادري وين تاخذني الساق
اطرد لي انفاسٍ بصدري بخيله

وارجع لنفس النقطة وحر الاشواق
وان الحياه بدونها مستحيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر