احنـا بــدو - علوي الباشا زبع

 
‏في اعرافنا ما كل ممنوع مرغوب
‏وطرد المقفي نتركه وش نبا به
 
‏وفِي اسلافنا ما كل مذكور محبوب
‏بعض الرجال يموت ما حد درى به
 
‏وفي امثالنا مهيوب ما هو بمجروب
‏احسن من اللي من برز به لوى به
 
‏احنا بدو فينا عذاريب وعيوب
‏وفينا شموخ احرار طيب ومهابه
 
ولانا بدو فينا صناديد وقلوب
‏وفينا هل الفزعة ذياب الشعابة
 
‏نكسر جناح الخصم والفعل محسوب
‏ونرفع جناب اللي نقدر جنابه
 
‏ولانا بدو في عرفنا العزم مطلوب
‏اذا لم تكن ذيب.. كلتك الذيابه
 
 
شعر علوي الباشا✍🏻
© 2022 - موقع الشعر