طيب النبا

باح الكنين وضيّع الصبر راعيه
با اسباب من قلبي تعلّق ورامه

الجادل اللي شاقني وين اهاليه
ساعه يفز ويوم يرفع لثامه

وسط الحشا من لوعة الحب مخفيه
نارن سناها حط بالقلب شامه

ساكت واداري ياهلي حسرتي فيه
محتار من غض الصّبا والملامه

تخفي جماله والعذارى تَطَريّه
وتغار عساها للشقا والندامه

حلو الطبايع اللي ذبحني تغليه
وزين الحيا ما أخفاه ..ابدى وسامه

ريح النفل والبختري في تمدريه
سيد المها .. طيب النبا في كلامه

****