تشره عتب - عبدالرحمن ناهي

تشره عتب واقول شرهة رياجيل حق ن على الصاحب ينومس عشيره
لاحدته الايام واستوحش الليل يضوي دروبه لين يكمل مسيره
وان عالت الايام تلقى مشاكيل تصغر مهاويل الامور الكبيره
ابشر وتلقانه على سبق الخيل ننطح بها عوج الظروف المغيرة
 
الحيل حيل الله ولو عندنا حيل من دون حيل الله ادينا قصيره
ان كان نقدرها تراها تساهيل والخوف لاتومي ورجلي كسيره
ياخذ بك الهوجاس وتحط وتشيل لين الظنون افكار راسك تديره
حنا مع الدنيا كما مية النيل يوم ن تشح ويوم تصبح غزيره
ان زانت الايام نوفي لها الكيل وان شان وجه الوقت فالامر خيره
عبدالرحمن الناهي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر