ياوجودي - ساره بنت تركي

ياوجودي على السجه وجود المحرول
يبغي يسير لكن ما تشيله عظامه
 
ويا وجودي وجود الي به الهم طول
صار يحلم بموته ما تمنى السلامه
 
ويا وجودي وجود الي حياته تسول
لاحصل له غناه ولا احتفظ بالكرامه
 
من هموم بصدري كل ساعه تجول
وصرت مابين حزن وضيقة وانكتامه
 
اه من حظي الي كل يوم محول
اسنده للطلوع وفيه شبه انهزامه
 
كل يوم يشين الحال واكثر من اول
بين هم و غم و بين ضيق و ندامه
 
ياعساها سحابة صيف ماهي تطول
وارجع ارتاح في دنياي واطلق حمامه
 
وكان ما زاح همي صار وضعي مهول
يا وحودي على حظ يحقق مرامه
© 2024 - موقع الشعر