حاكم جروحي - أحمد المطوع

اسكن جروحي مدينة وانت حاكمها
ياللي فِتَقْت الحنين ب / جرحي الغافي

ضميان يا سيّد طعوني و خادمها
شفقان خذني .. وعطني قلبك الجافي

لا طِلت هقوة و لاني قادر اكتمها
تعال شفني ب / عينك .. تعرف الخافي

يا كثر جيّاتك ب / عينٍ كنت حارمها
لذيذ نومٍ تعلّق .. ب / آخر اطرافي

كم دمعةٍ دون م / اشعر قمت احزّمها
أجمع شليلي و اجيك ب / قلبي الوافي

و القاك في غفلتك سالي ب / عالمها
ما هزّتك لهفتي .. مع دمعي الصافي

يا ملّ عينٍ تكجّ الدمع علّمها
طول الغياب و حنينٍ .. صار ينشافي

يا ذيب ياللي قنيبك نقّّض ابْكَمْها
و خلّى الجروح ب / ضلوعي تحني اكتافي

اِجمع طريحه و روّح لا ترزّمها
و إلا دخيلك تلمّه .. ما جرى كافي

لك ف / الحنايا مدينة وانت حاكمها
ياللي نزفْك الحنين و جرحي الغافي ,

© 2023 - موقع الشعر