حزات وحزات - محمد عبدالله الحسين الشطيري

حزات وحزات
اكتب من حروفي سطور جديدة

اذكر وقت قد ولى وفات
اكتب سطر وامحي سطر واعيده

وش هي السعاده غير لحظات
محد يعيش العمر عيشة سعيدة

مره فرح ومرات حزن ودمعات
ايام تمضي وتبتدي ايام جديدة

ناس راحت وناس توها جات
ناس تدور على فرصة وحيدة

وناس تاهت في بحور الملذات
ناس تحيك دايم خيوط المكيدة

وناس تضوي الدروب ضي شمعات
ناس لقياها عسى الله لايعيده

وناس تبري جروح فينا وعلات
هذي حروفي جمعتها في قصيدة

دنياك ياصاح لها حزات وحزات
تقبل وتقفي بالذي ربك يريده

مره فرح ومرات حزن واهات
واللي مضى ينطوي طي الجريدة

صدق من قال مافات مات
محمد عبدالله الحسين الشطيري

© 2024 - موقع الشعر