من زعل مني بلا سبّه!

لـ حسن عامر، ، في الصداقة والاخوه، آخر تحديث

من زعل مني بلا سبّه! - حسن عامر

من زعل مني بلا سبّه
يصبر وترضيه الأيامي

اكرمه بالبن ويكبّه
يحسب أني منه منظامي

قام يلبس بالعتب جبّه
ويتحلّم بعض الاحلامي

دام وأن ابليس لاعبّه
وطاوع منافق ونمامي

لاكرهه قلبي ولا حبّه
وحالف ماثني له بهامي

والله أني خابر طبّه
واقدر اساويه بقدامي

ما شغلني مدحه أو سبّه
حافظ له حق الاسلامي

كل عبد يحاسبه ربّه
ما نفصدّ روس الايتامي

ومن بنى له بالكبر قبّه
يشبه لعباد الاصنامي

والبحر له ساحل وغبّه
مادري عن حذف الاقزامي

ومن يطبّ الموج ينشبّه
ويتورط فيه لو عامي

ومن يجيب الجمر ويشبّه
ينكوي بالمخطرالحامي

ومن يعرف الريع ويذبّه
مامشى في حقل الالغامي

حسن عامرآل عيسى
© 2024 - موقع الشعر