ساحل العاج

لـ حسين القفيلي، ، في الغزل والوصف، 10، آخر تحديث

ساحل العاج - حسين القفيلي

جرحي تجدد وين بلقى له علاج
الداءوزاني والدواء مالقيته
من الهند لاباريس لاساحل العاج
مافاد جرحي كل طب عطيته
حصلت طبي بعد دوره ودواج
عند الذي أطيب لي جيت بيته
اللي ملك قلبي بحيه ولاماج
وان جيت أبنسى حبهم مانسيته
في بحر حبه تصافق بي أمواج
وميناه ينقذني لمني نصيته
دخلت به ولاحصل منه مخراج
أبغى الخراج ولاحصل مابغيته
لي جيت أبا اوصفه حاير ومنداج
ماله شبيه بين ذا النلس ريته
زينه من الله مادخل فيه مكياج
ماني امدحه ياناس يومني هويته
دمه خفيف ولمسة الكف ديباج
وله شفة حمراء عسلها جنيته
زين الجبين وخدها كنه أسراج
والشعر لي قرب عليه ثنيته
شعره طويل وللكوافير مااحتاج
مسترسل ماقال خلي كويته
كن في عيونه من صواريخ ميراج
لي سلهمت نفسي لها مستميته
عليه رمش يسلب القلب وحجاج
أصفه كيف آصفه لا ماوفيته
والله دام الرس يطرى ولفلاج
أني على عهد بناه وبنيته
اشرب زلال مالي بشرب لهماج
عفيف مايطلع مع الناس صيته
© 2024 - موقع الشعر