يازين قلبي ويش تبى تستفيده

يازين قلبي ويش تبى تستفيده يكفى عذاب ذقته أشكال والوان ولا تبي لاطاب جرح تزيده خلاص يكفي كل همي ولحزان كل الجروح الماضيه والجديده على العهد مازالت أكوان وأكوان حضي رماني مع قليل العقيده يومين يذكرني وشهرين نسيان سبحان من يخلق قلوب عنيده ماتدخل الرحمه لها وسط شريان وسبحان من يخلق قلوب بليده جاها الجفا ويمرها كنه ماكان ياكم عذلت القلب من حب سيده ليته سمع لي قبل مايجري الآن الآن لابيدي ولا عاد بيده امري قضى والحل يصبح مع فلان يامر وينهى وياخذ اللي يريده واللي يباه يكون راضي وزعلان مانفعني لي رحت دار بعيده دايم خياله عالقاً وسط لذهان ان نمت شفته وان صحيت استعيده مثل الظلال اللي يلازم للانسان