يافارس البل من اجـدادك ورثناهـا

يافارس البل من اجدادك ورثناها
ورث(ن)لاهلنا ترا ماني بشاريها

احبها حب والله مااقدر انساها
لاتنقص بقدرها لامات راعيها

لازعتها للحيا يابعد ممساها
عفرن تلافت ليانادوا باساميها

لاشافها راعي البل ماتعداها
واطلب من الله من القشران يحميها

ابيك تنزلها في راس مفلاها
في ديرة(ن)مانزل راع الغنم فيها

في عبلة(ن)مااختلط ماها ومرعاها
خمسة عشريوم والوسمي يساقيها

وابيك تنزل ديار القوم وحماها
وتارد على عدهم غصب(ن)وتسقيها

هاذي فعايل ربوعك كان تبغاها
وفعولنا فى القبايل نفتخر فيها

ومافيه ديره ربيع الا رعيناها
وارواحنا لاجلها للموت نهديها

ولك لابة(ن)يامن الجالي لياجاها
لاد الحميدي تنومسني عزاويها

اخوكم / شباك بن شجاع القرفي البقمي