على أي منموط

ادري بشعرك يا حبيبي له فراط
لكن أعدي من الكسر كل مغلوط

ماني بناقد لو حصل فيه اغلاط
والشعر نبرة بالقوافي له بسوط

يجرها الشاعر على كل الانماط
مايعترف باللي قوانينه اشروط

اللي يسايس واقعه حيل محطاط
يخاف من زلة لسانه على اسقوط

ينزل بعد ماصاب قلبه من حباط
في اسفل الوادي مبعثر ومقنوط

انا متيم في هوى حبك فراط
لاهمني تكتب على اي مخطوط

وأن كانها بْيدك أو بْيدي خطاط
يكفي أنا قْراها على اي منموط

بقلمي... ابو عبدالله المضياني
أسير الحرف