نبطي(كلمة أحبك)

كلمة أحبك والمشاعر والإحساس
تشهد عليها لهفتي ثمْ يديني

وان كان حبري ماكفى العين قرطاس
يكتب بدمي في المحاجر وتيني

القلب واحد وانت واحد من الناس
وما غير حبك يسكن اليوم عيني

ياللي تبي كلمة أحبك على ساس
خَلْها تجي لا من تزايد حنيني

تلبس لك الأحمر مع عقد الألماس
يوم اللقى والعطر منْها يبيني

أرقّ من صبحٍ بدا وقت الأغلاس
والذ من شهد النحل ياضنيني

نورٍ يضوي لك عتم كل الأدماس
ويلَبّسك تاج المحبه سنيني

مثْل المجرة خلْقها يخلف الباس
تخلف هقاوي منية العاذليني

لا تحْسِب إني بالهوى شاهر إفلاس
ولاّ لغيرك منتظرها تجيني

مثْل الجبل صامد وانا كلّي إحساس
والشوق ياكل مهجتي كل حيني

6/10/2020