نبطي(الجمال السحري)

لـ أحمد بن محمد حنّان، ، في الغزل والوصف، آخر تحديث

نبطي(الجمال السحري) - أحمد بن محمد حنّان

راعي الجمال السحري أغوى يديني صوبه
من غير لا أشعر جيته أكتب شعر واغني

متغزلٍ في حسنه دوبه صغير دوبه
والخصر جوع معذّب والثوب به متهني

والجيد شوفه حصري للي غلبه اسلوبه
ولامن نثر مجدوله كني الليالي جني

يتعب ردوفه شيله كنه عليها اعقوبه
يرتاح منّه لا جى هب الهوى متعني

مره يلاعب شعره مره يلاعب ثوبه
والصدر كاالرمانه تبهر هواة الفني

سيف المنايا اهدوبه وش حيلتي لا جوبه
حظه مع أقداره ومن الدلع متحني

يتلّ قلبي تله ويحطّ فوقه طوبه
ويقول إنسى حبي ولدربنا لاتحني

يااللي حلاك ندْره الحب مابه توبه
والرجل مانحرفها لو هي دروبك جِني

إغتر مما قلته يرخي لثامه نوبه
نوبٍ يغطي وجهه يبعد عيونه عني

يقول من هوْ حرفه جزل الحكي مشروبه
الحب مابه منّه لا منّك ولا مني

6/5/2015
© 2024 - موقع الشعر